«Atameken» Qazaqstan kartasy» etnomemorıaldy kesheninde jańa maketter qoıylady

ASTANA. QazAqparat - Jańa maýsymda elorda turǵyndary men qonaqtarynyń nazaryna Qazaqstannyń jańartylǵan kartasy usynylatyn bolady. Bul týraly elorda ákimdiginiń resmı saıtynda habarlandy.

«Atameken» Qazaqstan kartasy» etnomemorıaldy kesheninde 50-den astam jańa maket qoıylady. Maketter sońǵy birneshe jylda elimizdiń túkpir-túkpirinde salynǵan jańa nysandardy elordadaǵy QR Bas prokýratýrasyn, Ulttyq mýzeıdi, Semeı qalasyndaǵy Abaı teatryn, «Segizaıaq» akvaparkin kórsetetin bolady. Tek qana Qyzylorda oblysynyń ózinen 14 jańa ǵımarat pen mádenıet nysany usynylady. Budan bólek, Qazaqstan halqy Assambleıasynyń 20 jyldyǵyna oraı «Atameken» Qazaqstan kartasynda 20-dan astam ulttyq úı ashylady.

Elordalyq polıtehnıkalyq kolledjdiń stýdentteri sońǵy aptada murajaı keshenindegi 14 maketti qalpyna keltirdi.

«Úsh kúnniń ishinde 30 stýdent on tórt maketti qalpyna keltirdi. Biz jumysty jalǵastyryp, taǵy elý maketti qalpyna keltiremiz. Sonymen qatar, eń daryndy stýdentterdi jańadan maketter jasaýǵa tartamyz. Kartada bıyl barlyǵy 50-den astam maket paıda bolady, olardyń kópshiligi Qazaqstan halqy Assambleıasynyń 20 jyldyǵyna arnalady. 20-dan astam ulttyq úı. Jazda Karta jańaryp otyratyn bolǵandyqtan, jazda birneshe stýdentti jumysqa alýdy josparlap otyrmyz», - dedi ustaz, «Atamekenniń» bas sheberi Tóleýǵazy Baıǵalıev.