«Atameken» ındýstrııalyq sertıfıkat berýdiń múgedekter uıymyna nelikten toqtatylǵanyn túsindirdi
«Atameken» múgedekter uıymyna 2019 jyldyń sáýir aıynan bastap ındýstrııalyq sertıfıkat berip keledi. Sertıfıkat berý tájirıbesine sáıkes, múgedekter uıymynyń óndiristik jaı-kúıine baǵa berý úshin spetsıfıkalyq salalyq talaptardyń bolmaýyna baılanysty kemshilikter anyqtaldy. «Atameken» UKP múgedekter uıymyna shyǵyp, óndirýshi múgedekter uıymynyń oılaryn bir arnaǵa toǵystyryp, salalyq talaptardy ázirleý kerektigin usynǵan edi. Bul rette palata býhgalterlik, zańgerlik jáne salyqtyq keńesterdiń bárin de tegin júrgizýge ázir», - delingen palatanyń habarlamasynda.
Sonymen birge, palatanyń habarlaýynsha, kadrlardy ázirleý, arnaıy mamandyq standarttaryn bekitý, jumysqa ornalastyrý turǵysynda jumystar jalǵasa beredi.
«Qazirgi ýaqytta mundaı kómek tolyqqandy kórsetilip jatyr. Alaıda qaýymdastyqtardyń bytyrańqylyǵyn esepke alsaq, mundaı kómek múgedekter uıymynyń bárin de qamtı almaıtyny belgili boldy. Sonymen qatar, múgedekter uıymynyń biryńǵaı memlekettik reestri joq. Olardy biriktiretin qaýymdastyq ta qurylmaǵan. Osyǵan baılanysty shekteıtin normalarǵa jol bermeý úshin «Atameken» UKP ındýstrııalyq sertıfıkatty berý boıynsha qoldanystaǵy erejege ózgeristerdi engizdi. Bul rette tıisti talaptar ázirlengenshe múgedekter uıymy ındýstrııalyq sertıfıkat beriletin uıymdardyń qatarynan shyǵarylady», - dep habarlady «Atamekennen».
8 aıdyń ishinde ındýstrııalyq sertıfıkat 238 uıymǵa berilgen. Olardyń 43-i múgedekter uıymy. Shaǵymdardy taldaýdyń arqasynda aryzdardyń kóbi jıhaz jáne jeńil ónerkásip salasynan kelip jatqany anyqtalǵan.
«Bul degenińiz múgedekter uıymynyń memlekettik satyp alýdan alynyp tastalatynyn bildirmeıdi. Zań boıynsha memlekettik satyp alýdy júrgizgen kezde basymdyq eń aldymen múgedekter uıymyna beriledi», - delingen habarlamada.