«Atameken» halyqaralyq án festıvali márege jetti
ORAL. QazAqparat - Oral qalasynda belgili ánshi-kompozıtor, QR halyq ártisi, Memlekettik syılyqtyń laýreaty, «Otan» ordeniniń ıegeri Eskendir Hasanǵalıev ánderin oryndaýshylardyń «Atameken» ІH halyqaralyq án festıvali márege jetti, dep habarlaıdy «QazAqparat» tilshisi.
Óner dodasynyń qorytyndysynda qazylar alqasynyń sheshimimen oraldyq Rasım Jumaǵalıev bas júldeni jeńip aldy. Sondaı-aq shymkenttik Maǵjan Áltenbaev - birinshi, Syrym aýdanynan Bekeı Qanatov pen qyzylordalyq Araılym Mahambetjanova - ekinshi, qaraǵandylyq Erbota Uzaqbaev, Astrahannan kelgen «Etıl» trıosy, zelenovtyq «Seriler» kvınteti jáne atyraýlyq Aıbar Ǵanıuly úshinshi orynǵa ıe boldy. Sondaı-aq dıplomant atanǵandar da tartý-taralǵysyz qalǵan joq.
Aıta keteıik, týǵan jerine shyǵarmashylyq saparmen kelgen Eskendir Hasanǵalıev Bórli, Terekti aýdandarynda óner kórsetedi.
