«Atameken» etnomemorıaldyq keshenine qazaqtyń áıgili batyry Qarakereı Qabanbaıdyń eskertkishi qoıylatyn boldy

Eskertkish Shyǵys Qazaqstan oblysynyń Úrjar aýdanyna qarasty Maqanshy aýylyna qoıylǵan Qabanbaı batyr eskertkishiniń kóshirmesi. Avtory - tanymal músinshi Bolat Qusaıynov.

Búgin atalmysh sharaǵa baılanysty Astanada «Batyr baba erligi - táýelsizdik tiregi» taqyrybynda dóńgelek ústel otyrysy ótti. Onda Qabanbaı batyrdyń qazaq tarıhyndaǵy orny, Otan qorǵaýdaǵy erlik isteri men batyrdyń boıyndaǵy erekshe qasıetteri jóninde arnaıy baıandamalar jasaldy. Sondaı-aq batyr jónindegi tyń derekter negizinde qyzyqty áńgimeler aıtylyp, sahnalyq kórinister qoıyldy.

Atalmysh sharanyń tarıhı tulǵalardyń esimderin este saqtaý, qazaq halqynyń qorǵany bolǵan Qabanbaı sııaqty batyrlardyń erlik esterin jastarǵa úlgi-ónege etip, patrıottyq tárbıe berýde mańyzy zor.