«Atameken» etno-memorıaldyq kesheni jazýshy T.Jurtbaımen kezdesý uıymdastyrady

ALMATY. 27 tamyz. QazAqparat - «Atameken» Qazaqstan Kartasy" etno-memorıaldyq kesheni Ata Zań kúnine oraı tamyz aıy boıy elimizge belgili tulǵalarmen kezdesýler uıymdastyrýdy qolǵa alyp otyr. Kezdesýlerdiń basty maqsaty - jastardy otanshyldyqqa tárbıelep, el tarıhyna degen qyzyǵýshylyqtaryn arttyrý bolyp tabylady, dep habarlady atalǵan keshenniń baspasóz qyzmetinen.

Máselen, erteń fılologııa ǵylymdarynyń doktory, abaıtanýshy, alashtanýshy, jazýshy Tursyn Jurtbaımen kezdesý ótedi. Jazýshy kezdesý barysynda el tarıhyna qatysty zertteýleri men shyǵarmashylyǵyndaǵy jańalyqtarymen bólispek.

«Atameken» etno-memorıaldyq keshenindegi bul kezdesýler elimizge belgili qaıratkerlermen tolyǵa túsip, aldaǵy ýaqytta keshenniń dástúrine aınalady. Kezdesýge Astana qalasynyń turǵyndary men qala qonaqtary kelip, kókeıdegi suraqtaryn qoıa alady.