«Atameken» etno-memorıaldyq kesheni 12 jyldyǵyn atap ótti
ASTANA. 9 qyrkúıek. QazAqparat - Astanada «Atameken» Qazaqstan kartasy» tanymdyq-kórkemdik kesheni 12-jyldyǵyn atap ótti. Bul týraly astana.kz saıtyna «Atameken» Qazaqstan kartasy» etnokesheniniń baspasóz qyzmetinen habarlady.
Bul ataýly kún Otbasy kúni merekesimen tuspa-tus keldi. Halyqaralyq Otbasy kúnin merekeleýge oraı keshen aýmaǵynda «Otbasymen birge murajaıǵa baramyz!» aktsııasy uıymdastyryldy. Іs-shara barysynda kelýshiler elimizdiń tarıhymen jáne ulystardyń mádenıetterimen tanysty.
Budan basqa, alǵashqy 12 kelýshige syılyqtar taratylsa, týǵan kúnge oraı otbasylarǵa arnaıy tartýlar jasaldy, balalar men jasóspirimder úshin qyzyqty oıyndar ótkizildi.
Eske salaıyq, «Atameken» Qazaqstan kartasy» parki 2001 jyly 8 qyrkúıekte ashyldy. 2 ga aýmaqta sáýlettik jáne tabıǵı kórikti jerlerdiń kishkentaı kóshirmeleri ornalastyrylǵan. Atap aıtqanda, Astananyń nyshany - Báıterek, Beıbitshilik jáne Kelisim saraıy, elimizdiń basty ónerkásiptik nysandary, aýyldyq jerler, taý landshafttary, Býrabaı demalys orny, túrli joldar, kópirler jáne t.b. Qazaqstannyń úlken kartasyna barlyq oblystar men elimizdiń bas qalalary - Astana men Almaty syıdyrylǵan. Parkte barlyǵy 200-den astam mınıatıýra jasalǵan. Olardyń sany jyldan-jylǵa artyp keledi.
