«Atameken» bıznesti sýbsıdııalaý stavkasyn 16 protsentke tómendetýdi usyndy
Bul týraly búgin atalǵan palatanyń sezi barysynda «Atameken» UKP basqarmasy tóraǵasynyń orynbasary Tólemis Shotanov málim etti, dep habarlaıdy QazAqparat.
«2016 jyly Ulttyq kásipkerler palatasynyń bastamasymen «Bıznestiń biryńǵaı jol kartasy - 2020» baǵdarlama aıasynda shaǵyn jáne orta bıznesti damytý maqsatynda Biryńǵaı jınaqtaýshy zeınetaqy qory qarjysynan 200 mlrd. teńge bólý týraly sheshim qabyldanǵan edi. Sonymen qatar UKP-nyń tıimdi jobalar men ınfraqurylymdarǵa krıterıılerdi qaıta qaraý usynysynyń eskerilgendigin atap ótken oryndy», - dedi ol.
Sonymen qatar ol shaǵyn jáne orta bıznes sýbektileriniń quqyqtaryn shekteıtin kóptegen normalardyń da bolǵandyǵyn aıtyp ótti.
«Ulttyq kásipkerler palatasy Jol kartasyna baılanysty sýbsıdııalaýdyń qoldanystaǵy tıimdi stavkasyn qazirgi shynaıy jaǵdaıdy eskere otyryp, 16 protsentke tómendetýdi qarastyrýdy usynady. Bıznesti servıstik qoldaý da kásipkerlik qoǵamdastyq tarabynan óziniń talap etiletindigin dáleldep berdi. 2016 jyldyń qorytyndysy boıynsha qarjylaı emes qoldaý sharalarymen bıznestiń 46 myńnan astam sýbektisi qamtyldy. 2 myńnan astam jańa óndiris orny ashylyp, 4 myńnan astam jobaǵa qoldaý kórsetildi. Kásipkerliktiń 8 myń sýbektisi qarjylaı kómek aldy», - dedi Shotanov.