Atambaev Sırııaǵa qyrǵyz áskerin jiberý máselesine pikir bildirdi
ASTANA. QazAqparat - Qyrǵyzstan prezıdenti Almazbek Atambaev Sırııaǵa qyrǵyz áskeriniń jiberilýi máselesine qatysty pikir bildirdi, dep habarlaıdy QazAqparat kabar.kg. silteme jasap.
Atambaevtyń aıtýynsha, Sırııaǵa ásker jiberý máselesi Reseı tarapynan da kóterilmegen.
«Bul jaı nárse emes, sebebi eger shynymen osy másele kóterilse, birinshiden, Ujymdyq qaýipsizdik týraly shart uıymy barlyq músheleriniń biraýyzdan qabyldaǵan sheshimi, ekinshiden, BUU-nyń rezolıýtsııasy qajet. Úshinshiden, bul el parlamentimen aqyldasyp, sheshiletin másele», - dedi prezıdent.
Ol sóz arasynda Bishkekte túımedeıdi túıedeı etetin adamdar bar ekendigin de aıtyp ótti.
Aıta keteıik, buǵan deıin reseılik BAQ-tarda Reseı Sırııaǵa Qazaqstan men Qyrǵyzstannyń áskerlerin jiberý boıynsha usynystar jasaǵandyǵy týraly aqparat jarııalanǵan bolatyn.
