Atambaev Qyrǵyzstandaǵy muzdyqtardyń 40%-ke deıin azaıatyndyǵyna alańdaýly
Al, bul Ortalyq Azııadaǵy ózenderdegi sýdyń 25-35%-ke qysqarýyna ákelip soǵady. Bul týraly Qyrǵyz prezıdenti Nıý-Iorktegi 72-shi Bas Assambleıada málimdedi, dep habarlaıdy Kabar.
Onyń aıtýynsha, klımat ózgerýiniń zardaptary qaýipti deńgeıge deıin ósken. Sondyqtan, taýly elder taý ekojúıesiniń kúrdeli bolýyna baılanysty bul tizimge birinshi engen.
«Klımat ózgerý máselesi Qyrǵyzstan ekonomıkasynyń barlyq sektoryna keri áser etýde. Sonyń saldarynan taýly aýdandarda túrli tabıǵı apattar - selder, syrǵyma, sý tasqyny jáne kóshkin oryn alýda. Qyrǵyzstan tabıǵı qoımalar bolyp tabylatyn muzdyqtardyń qarqyndy erýine qatty alańdaýshylyq tanytýda, sebebi olar tek Ortalyq Azııada ǵana emes, sondaı-aq búkil álemdegi tuşy sýdy qalyptastyratyn aımaq sanalady», - dedi Atambaev.
Sondaı-aq, ol 2100 jyly respýblıkadaǵy muzdyqtardyń Jer betinen joıylyp ketý qaýpi baryn atap ótti.
