Atambaev: Qyrǵyzstan qarýly kúshteriniń áskerı daıyndyǵyn arttyrýy kerek
ASTANA. QazAqparat - Búgin Qyrǵyzstan Respýblıkasynyń prezıdenti Almazbek Atambaev Qarýly kúshter bas shtabynyń basshysy Raımberdı Dýıshenbıevti qabyldady, dep habarlandy president.kg saıtynda.
Kezdesýde memleket basshysyna eldiń Qarýly kúshteriniń damýy men nyǵaıýy boıynsha júrgizip jatqan jumystar jaıly, shekaradaǵy qaýipsizdikti qamtý men memlekettik shekarany qorǵaý boıynsha kúsheıtilgen sharalar jaıly baıandaldy.
Prezıdent Almazbek Atambaev jáne Bas shtab basshysy Raımberdı Dýıshenbıev ortalyq áskerı basqarý organynyń qyzmetin, sonyń ishinde zamanaýı qaýip-qaterlerge áreket etetin eldiń Qarýly kúsh qurylymyn qurý máselesin talqylady.
Prezıdent alǵa qoıylǵan mindetterdi tıimdi oryndaý jáne memlekettiń qorǵanys múmkindigin kúsheıtý úshin Qarýly kúshterdiń áskerı daıyndyǵy men mobıldiligin arttyrý kerek ekenin atap ótti.
