Atalyq jáne analyq uryqtyń jalǵyz bir ǵana bazasy bolýy kerek - Bekbolat Tileýhan

«Ata-babalarymyz salt-dəstúrdi berik ustanyp, jesirin qańǵytpaǵan, jetimin jylatpaǵan. Jalpy alǵanda, qan máselesine qaı zamanda da nemquraıly qaramaǵan. Tipti, arǵy atasyn bilmegendi «Jeti atasyn bilmegen – jetesiz» dep sókken. Osy oraıda ekodonor máselesin kótermekpin», - dep toqtaldy depýtat Májilistiń jalpy otyrysynda Úkimet basshysynyń orynbasary Eraly Toǵjanovtyń atyna joldaǵan saýalynda.

Bul turǵyda ol zań boıynsha 35 jasqa deıingi er adam anonımdi túrde donor bola alatynyn eske saldy.

«Deni saý, dene bitimi qalypty damyǵan, genetıkalyq saraptamasy jaqsy bolsa atalyq uryǵyn tapsyra alady. Qansha ret tapsyrasyz óz erkińiz. Shekteý joq. Anketada júzi, rýy, boıy, salmaǵy, mamandyǵy kórsetiledi, boldy. Keıinnen, katalogtan kóńiline qonǵan adamdy tańdap alady. Statıstıkaǵa sensek, jyl saıyn tek bir klınıkada dál osy jolmen 70 bala dúnıege keledi eken. Bul – erteń elimizdiń túkpir-túkpirindegi qanshama otbasynda bir ákeden taraıtyn biraz ul-qyz boıjetip, erjetip shyǵady degen sóz. Odan kóp bolýy da múmkin. Olar bilmestikten bir-birine úılenýi múmkin. Bir ákeden taraǵan jandardyń bir-birne úılenýiniń aldyn alý úshin, aýrý balalardyń sanyn azaıtý úshin bul másele óte mańyzdy dep oılaımyz», - dedi B. Tileýhan.

Osy oraıda ol bolashaq urpaqtyń densaýlyǵyn jáne teksizdikten saqtaý maqsatynda tıisti usynystar jasady.

«Qazaqstan boıynsha atalyq jáne analyq uryqtyń jalǵyz bir ǵana bazasy bolýy kerek. Donorlar da tek sol ortalyqqa tapsyryp, barlyǵy tek sol ortalyqtan ǵana alyp otyrýdy júıeleý qajet. Ekinshiden, bir retten artyq donor bolýǵa ruqsat etpeý kerek. Bir donordyń uryǵyn eki adamnan artyqqa qoldanbaýdy, barynsha ashyqtyqty saqtaýdy qatań túrde retteýdi usynamyn», - dedi Bekbolat Tileýhan.