Ataqty jelaıaq Marat Jylanbaevtyń jolyn qýǵym keledi - Baýbek Іlııasov

Onyń aıtýynsha, júgirýmen, sporttyń basqa da túrlerimen turaqty aınalysýdyń mańyzy zor.

-Elbasy bastap bergen Jastar jylynda aldyma úlken maqsattar qoıyp otyrmyn. Salaýatty ómir saltyn ustanyp, sportpen shuǵyldaný arqyly kez kelgen aýrýdy jeńýge bolatynyn dáleldegim keledi. Júgirýden basqa aptasyna úsh ret muzdaı sýǵa túsemin, fýtbolmen, temir kóterýmen aınalysamyn, bos ýaqytymda bıleımin, sýret salamyn. Oral munaı, gaz jáne salalyq tehnologııalar kolledjin bitirdim, qazir zańgerlik mamandyqqa syrttaı oqyp júrmin. Ázirde dúkende satýshymyn. Uzaq qashyqtyqtarǵa júgirýge áýelden den qoıyp edim. Buǵan deıin Oral qalasynda ótken jartylaı marafonda (21 km) birinshi orynǵa ıe boldym, - deıdi Qaztalov aýylynda turatyn B.Іlııasov.

-Baýbek Meńdibaıuly, jýyrda 20 gradýs aıazda Qaztalov pen Jalpaqtal aýyldarynyń arasyn (60 km) 5 saǵat 20 mınýtta júgirip ótipsiń, ózińdi baıqap kóreıin dediń be?

-Iá, qystygúni aıazda júgirý ońaı emes eken. Bastapqyda júreksingenimmen, márege jettim. Bul bastamasy ǵana. Mundaǵy maqsat - ózim quralpy jastar kórip, úlgi alsyn degendik. Olar da sportpen dendep aınalyssa deımin. Endi aldaǵy ýaqytta aýyldyq okrýgterdi júgirip ótip, 100 kılometrdi baǵyndyrǵym keledi. Bıyl sondaı-aq Almaty qalasynda kóktemde ótetin marafonǵa (42,2 km) qatyssam ba dep otyrmyn.

-Eń bastysy, adam ózine senýi kerek deısiń ǵoı?

-Iá, árıne! Bizdiń elimizde jastarǵa udaıy qoldaý kórsetilip keledi. Endeshe, oǵan jaýap retinde árkim óziniń jany da, táni de saý bolýy úshin alǵa umtylýy kerek. Sport pen eńbek - bárin de jeńbek dep aıtar edim. Jas urpaq myqty bolsa, memleketimizdiń de irgesi bekı túsip, mártebesi ósip, aspandaı túseri sózsiz.

Eske sala keteıik, budan buryn jas ustaz óz oı-tolǵamyn ortaǵa salǵan bolatyn.