Ataqty tennısshi Rodjer Federer úlken sportpen qosh aıtysty
ASTANA. QazAqparat – Shveıtsarııalyq tennısshi Rodjer Federer úlken sportpen qosh aıtysty, dep habarlaıdy QazAqparat tilshisi.
Ulybrıtanııa astanasy – London qalasynda Leıver kýbogi kórmelik týrnırinde ol óziniń sporttyq mansabyndaǵy sońǵy kezdesýin ótkizdi. Atalǵan saıysta ıspanııalyq Rafael Nadal ekeýi juptyq synda amerıkalyq Frensısý Tıafo jáne Djeký Sokýǵa qarsy oınady. Olar qarsylastaryna ese jiberip, kezdesýdi jeńilispen aıaqtady.
Rodjer Federer 1981 jyldyń 8 tamyzynda dúnıege kelgen. Sporttyq mansabynda túrli jarysta 103 márte top jardy. Onyń ishinde «Úlken dýlyǵa» týrnırinde 20 dúrkin chempıon atandy.
Sondaı-aq, 2008 jyly Beıjiń olımpıadasynda juptyq synda otandasy Stanıslas Vavrınka ekeýi altynnan «alqa» taqty.
Al, 2012 jyly London olımpıadasynda jekeleı synda kúmis medal aldy.
Eske salsaq, budan buryn Aleksandr Býblık Frantsııadaǵy týrnırdiń jartylaı fınalyna shyqty.
