Ataqty tennısshi Novak Djokovıch Astanaǵa ushyp keldi
ASTANA. QazAqparat - Ataqty tennısshi, «Úlken dýlyǵa» týrnıriniń 21 dúrkin chempıony Novak Djokovıch Astanaǵa ushyp keldi, dep habarlaıdy QazAqparat tilshisi.
Serbııalyq tennısshi búgin bastalǵan Astana Open ATP 500 jarysyna qatysady.
N.Djokovıch elordaǵa jaqsy kóńil-kúımen jetti. Aıta ketsek, ol jeksenbi kúni márege jetken Tel-Avıv ATP 250 dodasynyń fınalynda horvatııalyq Marın Chılıchti 6:3, 6:4 esebimen utyp, jeńimpaz atanǵan edi.
Qazirgi kezde dúnıejúzilik reıtıngide jetinshi orynda turǵan N.Djokovıch Astana jarysynyń tórtinshi raketkasy bolyp tirkelgen. Novak erteń bastapqy kezdesýin reıtıngide 81-satydaǵy chılılik Krıstıan Garınmen ótkizedi.
Búgin Astana dodasyna arnaıy shaqyrtý alǵan, reıtıngide 327-oryndaǵy qazaqstandyq Beıbit Jýkaev alǵashqy aınalymda álemniń 34-raketkasy, Nıderland ókili Botık Van de Zandshýlpqa ese jiberdi - 1:6, 1:6.
Eske sala keteıik, budan buryn Astana Open týrnıriniń irikteý saıystary aıaqtalǵanyn, Elena Rybakınanyń álemdik reıtıngide bir satyǵa tómendegenin jazǵan bolatynbyz.
Sondaı-aq qazaqstandyq tennısshi Tımofeı Skatov álemdik reıtıngide TOP-200-ge jýyqtady.
Foto: facebook.com/kaztennis
