Ataqty tennısshi Bıllı Djın Kıng Qazaqstan quramasymen kezdesti
ASTANA. QazAqparat – Ataqty tennısshi Bıllı Djın Kıng Shotlandııanyń Glazgo qalasynda komandalyq álem chempıonatyna qatysqan Qazaqstan quramasymen kezdesti, dep habarlaıdy QazAqparat tilshisi.
2020 jyldyń kúzinde halyqaralyq tennıs federatsııasy áıelder arasynda komandalyq álem chempıonatynyń ataýyn ózgertý týraly sheshim qabyldaǵany belgili.
Federatsııa kýbogi Áıelder tennısi qaýymdastyǵynyń (WTA) negizin qalaýshylardyń biri Bıllı Djın Kıng kýbogi bolyp ataldy.
«Úlken dýlyǵa» týrnırlerin 39 ret (12-si – jekeleı, 16-sy – juptyq synda, 11-i – mıkste) utqan tennısshi Qazaqstan ulttyq quramasy múshelerimen arnaıy jolyqty.
Qazaqstan tennıs federatsııasynan málim etkenindeı, Bıllı Djın qazaqstandyqtardy álem chempıonatynyń fınaldyq kezeńinde alǵash ret óner kórsetýimen quttyqtap, tabys tiledi.
Qazaqstan quramasynyń kapıtany ıAroslava Shvedova Kıngtiń saýaldaryna jaýap berdi. Ataqty tennısshi osy sport túriniń damýy, ásirese, áıelder men jetkinshek qyzdar arasynda qandaı deńgeıde ekendigi týraly surady. ıAroslava bizdiń eldegi tennıstiń qazirgi jaı-kúıi, bolashaǵy jóninde áńgimelep berdi.
Eske sala keteıik, budan buryn Qazaqstan quramasynyń Ispanııadan jeńilip, álem chempıonatynan shyǵyp qalǵanyn jazǵan bolatynbyz.
Sondaı-aq 17 jastaǵy qazaqstandyq tennısshi Túrkııadaǵy jarystyń shırek fınalyna shyqty.
