Ataqty sýretshi Jumaqyn Qaırambaev Qyrǵyzstan Ulttyq Sýret akademııasynyń akademıgi atandy
ASTANA. QazAqparat - Ataqty sýretshi Jumaqyn Qaırambaev Qyrǵyz Respýblıkasynyń Ulttyq Sýret akademııasynyń akademıgi atandy. Bul týraly QazAqparatqa belgili sýretshi, mádenıet qaıratkeri Jeńis Kákenuly habarlady.
Buǵan deıin qazaq sýretshilerinen bul ataqty E. Tólepbaev pen K. Dúısenbaev alǵan bolatyn.
Aıta keteıik, QR Sýretshiler Odaǵynyń múshesi, T. Júrgenov atyndaǵy Ulttyq óner akademııasy stanokty keskindeme shyǵarmashylyq oqý sheberhanasynyń jetekshisi, keskindeme kafedrasynyń professory Jumaqyn Qaırambaev 1953 jyly ómirge kelgen. 1975 jyly Almaty sýretshilik ýchılışesin támamdap, keıinnen Reseıde bilim alady. 1981 jyly KSRO Sýretshiler akademııasy I.E.Repın atyndaǵy Lenıngrad memlekettik keskindeme, skýlptýra jáne arhıtektýra ınstıtýtyn bitiredi.
1985 jyldan beri Qazaqstan Respýblıkasy Sýretshiler Odaǵynyń múshesi. Birqatar respýblıkalyq, sheteldik, halyqaralyq sýret kórmelerine qatysqan.
Jumaqyn Qaırambaev - Qazaqstannyń úzdik keskindemeshileriniń biri. Názik, ózindik qoltańbasy bar, keskindeme júıesin asqan kásibılikpen meńgergen. Sýretshiniń bir ereksheligi - onyń qazaqy naqyshty zamanaýı talǵammen úndestire alýy.
Sýretshiniń «Poedınok», «Predkı», «Allegorııa», «Vsadnık», «Pýtnık», «Istorııa», «Shelkovyı pýt» polotnalary halyqqa jaqsy tanys. Sonymen qatar, qazaq mádenıeti ókilderine qatysty tereń maǵynaly portretteri halyq kóńilinen erekshe oryn alady. Al tarıhı portretter mysaly, «Abylaıhan», «Abaı», «Kenesary», «ıAssaýı», «Raıymbek», «Jalaırı», «Jambyl» syndy eńbekterdiń orny tipten bólek.
