Ataqty Queen tobynyń «Bogema rapsodııasy» ániniń qoljazbasy 1,4 mln fýnt sterlıngke satyldy

LONDON. QazAqparat – Londondaǵy Sotheby's aýktsıonynda brıtandyq Queen tobynyń «Bogema rapsodııasy» ániniń qoljazbasy shamamen 1,4 mln fýnt sterlıngke satyldy, dep habarlaıdy QazAqparattyń menshikti tilshisi.

Aýktsıon saıtyndaǵy lottyń sıpattamasyna sáıkes, «Mońǵol rapsodııasy» túpnusqa ataýy bar ( keıinnen «Bogema rapsodııasy» bolyp ózgertilgen) án mátininiń birinshi nusqasynyń 15 beti 1,379 mln fýnt sterlıngke satyldy.
Tanymal ándi 1975 jyly Queen tobynyń jetekshisi Freddı Merkıýrı jazdy. 6 mınýtqa jýyq ýaqytqa sozylǵan hıt brıtandyq rok-tobynyń vızıt kartasyna aınaldy. Ol toǵyz apta qatarynan brıtandyq hıt-paradtardyń birinshi ornyn alǵan.
Sársenbi kúni keshke bastalǵan aýktsıonnyń alǵashqy saǵattarynda Somebody To Love (241 300 fýnt sterlıng), Killer Queen (279 400 fýnt sterlıng) jáne We Are the Champions (317 500 fýnt sterlıng) qoljazba mátinderi de satylyp ketti.
Aty ańyzǵa aınalǵan oryndaýshynyń keıbir jeke zattary da satylyp ketti. Mysaly, rok tobynyń sońǵy iri eýropalyq týrnesinde mýzykant kıgen mantııa men táji 635 000 fýnt sterlıngke, al jeke pıanınosy 1 mln 742 mıllıon fýnt sterlıngke satyldy.
Aýktsıonnyń birinshi keshinde jalpy somasy 12,2 mln fýnt sterlıngke shamamen 60 lot satyldy.
Aýktsıon 13 qyrkúıekke deıin jalǵasady. Buryn Freddı Merkıýrıge tıesili zattardy satýdy juldyzdyń dosy Merı Ostın usyndy.