Ataqty Pakıao Spenspen jekpe-jekke shyǵady
NUR-SULTAN. QazAqparat – Dúnıejúzilik boks qaýymdastyǵy (WBA) nusqasy boıynsha álem chempıony 66,68 kelige deıingi salmaq kategorııasynda fılıppın Mennı Pakıao Dúnıejúzilik boks keńesi (WBC) jáne Halyqaralyq boks federatsııasy (IBF) nusqalary boıynsha álem chempıony amerıkalyq Errol Spenmpen 21 tamyzda jekpe-jekke shyǵady. Bul týraly fıllıpındik óziniń Instagram paraqshasynda jazdy.
Aıqas Las-Vegasta (Nevada shtaty, AQSh) ótedi.
42 jastaǵy Pakıao qorjynynda 62 jeńis (39-y nokaýtpen), jeti jeńilis jáne eki teń esep bar. 2016 jyly ol karerasynyń aıaqtalǵanyn jarııalaǵan edi, biraq Fılıppın Senatyna saılanǵannan keıin sportqa qaıta oraldy. Ol Búkilálemdik boks uıymynyń (WBO) nusqasy boıynsha álem chempıony tıtýly úshin kúreste amerıkalyq Djessı Vargasty upaı sany boıynsha jeńdi.
Sodan beri fılıppındik taǵy tórt jekpe-jek ótkizip, úsh ret bsym tússe, bir ret súrindi. Sonymen qatar WBA tıtýlyn ıelenip, ony eki ret qorǵady. 2021 jyldyń qańtarynda WBA basshylyǵy ony mansabyndaǵy uzaq úziliske baılanysty «demalystaǵy chempıon» « etip taǵaıyndady. Pakıao sońǵy jekpe-jegin 2019 jyldyń shildesinde ótkizdi.
Al 31 jastaǵy Spenstiń qorjynynda 27 jeńis (21-i nokaýtpen) bar, jeńiliske ushyramaǵan.
