Ataqty Nokia 3310 telefonynyń jańartylǵan nusqasy tanystyryldy
ASTANA. QazAqparat - Uıaly telefon naryǵyna 2000 jyldardyń birinshi jartysynda shyqqan eń sapaly telefondardyń biri Nokia 3310 jańartylǵan nusqada qaıta oraldy, dep habarlaıdy Bı-bı-sı.
Telefonnyń negizgi úlgisiniń satylymy 2005 jyly toqtady - bul ýaqytqa deıin mundaı uıaly telefonnyń 126 mıllıon danasy satylǵan.
Buǵan deıin uıaly telefon Mobile World Congress kezinde jurtshylyq nazaryna usynylatyny jaıly habarlaǵan bolatynbyz .
Nokia kompanııasynyń ózi endi uıaly telefon shyǵarýmen aınalyspaıdy, al jańa Nokia 3310 úlgisin jasaý jáne shyǵarý lıtsenzııasy HMD Global kompanııasyna tıesili - bul fındik start-ap bir jyl buryn uıaly brendterdi qaıta jańǵyrtý maqsatynda qurylǵan.
HMD Global "retro-úlgiden" bólek Nokia belgisimen Android operatsııalyq júıesinde jumys isteıtin taǵy úsh smartfondy tanystyrdy.
Jańa Nokia uıaly telefondary Barselonada ótken Mobile World Congress kezinde jurtshylyq nazaryna usynyldy.
3310 úlgisi jurtshylyq jappaı qoldanǵan telefon edi, áli kúnge deıin adamdar saǵynyshpen eske alady.
