Ataqty mýzykant Devıd Boýıdiń ósıeti jarııalandy
ASTANA. QazAqparat - Ataqty mýzykant Devıd Boýı qpaıtfys bolǵannan keıin óziniń kúlin «býdda ǵurpy boıynsha» ındonezııalyq Balı aralyna shashýdy ósıet etti. Bul týraly juma kúni Nıý-Iorkte ótken sot otyrysynda málim boldy, dep habarlady TASS.
Ósıetke sáıkes mýzykanttyń barlyq múlki onyń otbasyna - áıeli Iman men eki balasy Dankan men Aleksandrııaǵa kóshedi. Zaıyby mýzykant dáýletiniń jartysyn jáne Manhettendegi páterin alady, onda erli-zaıyptylar sońǵy 20 jyl boıy turǵan bolatyn. Balalary múliktiń qalǵan bóligine ıe bolady, al Boýıdiń qyzy Aleksandrııaǵa Nıý-Iork shtatyndaǵy onyń úıi tıedi. Ánshi sondaı-aq 2 mln. dollardy óziniń jaqyn dosy jáne kómekshisi Korınn Shvabqa, taǵy 1 mln. dollardy Dankannyń burynǵy kútýshisi Marıon Skınge berýge ósıet etti. Mýzykanttyń jyljymaıtyn múlki shamamen 100 mln. dollarǵa baǵalandy. Qujatta kórsetilgendeı, Boýıdyń denesi 12 qańtarda Nıý-Djersıde órtelgen bolatyn.
Mýzykant baýyrdyń qaterli isigi saldarynan 10 qańtarda dúnıeden ótti. Onyń sońǵy albomy qaıtys bolarynan eki kún buryn shyqty.
Ánshi barlyǵy 136 mln.-nan astam plastınkalaryn satty jáne Ulybrıtanııanyń tanymal mýzykasy tarıhynda eń tabysty ártisterdiń ondyǵyna kirdi.
