Ataqty ǵalym óziniń mereıtoıynda qonaqtardy «Birjan men Sara» operasyna shaqyrdy
ALMATY. Naýryzdyń 13-i. QazAqparat /Aıgúl Turysbekova/ - Almatyda balalar úıleriniń tárbıelenýshileri, stýdentter men mektep oqýshylary Abaı atyndaǵy memlekettik akademııalyq opera jáne balet teatryna «Birjan men Sara» operasyna shaqyrý aldy.
Óziniń 85 jyldyq mereıtoıyn belgili túrkitanýshy-ǵalym, fılologııa ǵylymdarynyń doktory Shora Sarybaev osylaısha atap ótýge uıǵardy. Bıletterdi de ózi satyp aldy.
Qazaqstan ǵylymnyń ardagerin - mereıtoı ıesin quttyqtaýǵa sondaı-aq dostary, áriptesteri men shákirtteri keldi. «Sh.Sarybaev elimizde fılologııa ǵylymdarynyń damýy úshin kóp is tyndyrdy. Eń bastysy - óz mektebin, ǵalymdar shoǵyryn qalyptastyrdy, óziniń isi men ıdeıalaryn búginde jalǵastyryp otyrǵan kóptegen shákirtter tárbıeledi», - dedi QR Bilim jáne ǵylym vıtse-mınıstri Mahmetqalı Sarybekov.
Ataqty ǵalym «Parasat» ordeniniń ıegeri.
