Ataqty fýtbolshy Tımýr Segizbaev qaıtys boldy
ALMATY. QazAqparat - «Qaırat» komandasynyń ardageri, Qazaqstan fýtbolynyń ańyz tulǵasy Tımýr Sanjaruly Segizbaev 77 jasqa qaraǵan shaǵynda qaıtys boldy, dep habarlaıdy QazAqparat tilshisi.
Qaraly habar fýtbol klýbynyń Instagramdaǵy paraqshasynda jarııalandy.
«Almatylyq Qaırat komandasynyń akademııalarynyń birine Tımýr Segizbaevtyń aty berilgenin barlyǵymyz bilemiz. «Qaırat» klýby aty ańyzǵa aınalǵan fýtbolshynyń otbasyna qaıǵysyna ortaqtasyp, kóńil aıtady. Tımýr Segizbaev bizdiń júregimizde máńgilikke saqtalady», - dedi paraqshasynda.
T.Segizbaev «Qaırat» quramynda 12 maýsymdy ótkizgen. 200 astam match oınaǵan.
1964 jyly Keńes odaǵy chempıonatynda máskeýlik Spartanyń qaqpasyna eki ret gol salyp, kópshiliktiń esinde qaldy.
KSRO sport sheberi, Qazaq KSR eńbegi sińgen jattyqtyrýshysy, QR Olımpıada Ulttyq komıteti Ordeni ıegeri Tımýr Segizbaev 1973, 1986 jyldary «Qaırat» komandasynyń jattyqtyrýshysy bolǵan.
