Ataqty frantsýz fýtbolshysy prezıdent oryntaǵy úshin dodaǵa túspek
ASTANA. 10 qańtar. QazAqparat - Ataqty frantsýz fýtbolshysy Erık Kantona bıylǵy jyly ótetin saılaýda el prezıdentiniń oryntaǵyna daýysqa túsetin nıetin jarııa etti, dep habarlady Ýtro.rý agenttigi.
Kantona frantsýz qalalarynyń merlerine óziniń kandıdatýrasyn qoldaý jóninde hat joldady. Memleket basshysy laýazymyna kandıdat retinde tirkelý úshin Kantonaǵa aqpannyń sońyna deıin keminde 500 laýazymdy adamnyń qoly qajet.
Frantsııa quramasynyń jáne aǵylshyndyq «Manchester ıÝnaıted» klýbynyń burynǵy shabýylshysy Kantona fýtbolmen 1997 jyly hosh aıtysqan bolatyn.
