Ataqty fantast-jazýshy Sergeı Lýkıanenko «Altyn jaýynger» dep atalatyn qazaqstan-reseı fılmin jasaýǵa atsalysýda
STANA. Naýryzdyń 19-y. QazAqparat /Damır Baımanov/ - Ataqty fantast-jazýshy Sergeı Lýkıanenko rejısser Tımýr Bekmambetovtyń «Altyn jaýynger» atty qazaqstan-reseılik fılmin jasaýǵa atsalysýda.
Bul týraly QazAqparat tilshisine «Qazaqfılm» aktsıonerlik qoǵamynyń prezıdenti Ermek Amanshaaev habarlady.
«Qazir fılm stsenarııiniń rejısserlik nusqasy jazylýda. Jobaǵa Sergeı Lýkıanenko qosyldy», - dep habarlady E.Amanshaev beısenbi, naýryzdyń 18-i kúni ótken «Ironııa lıýbvı» qazaqstan-reseılik fılminiń premerasynda.
E.Amanshaev myrza atap kórsetkendeı, jańa jobanyń ıdeıasyn bizdiń kınematografıster usynyp otyr. Al fılmniń premeralyq datasyna toqtalǵan «Qazaqfılm» prezıdenti, T.Bekmambetovtyń egjeı-tegjeıli jáne uzaq jumys isteıtinin, sebebi kartına jasaý úderisi kóp ýaqytta qajet etetinin aıtyp ótti.
«Sondyqtan da, meniń oıymsha, shydamdylyq tanytyp, premerany kútemiz», dedi E.Amanshaev óz sózinde.
«Altyn jaýynger» fılmi shytyrmandy «fentezı» janryndaǵy alǵashqy kólemdi qazaqstandyq fılm bolady. T.Bekmambetovtyń ózi buǵan deıin habarlaǵandaı, bul fılm ulttyq jádiger «Altyn jaýynger» týraly baıandaıdy.
