Ataqty «Býrdj Halıfa» men Túrkııadaǵy TOBB ǵımaraty Qazaqstan týynyń túsine boıaldy

NUR-SULTAN. QazAqparat – Birikken Arab Ámirlikteriniń Dýbaı qalasynda jáne Túrkııa astanasy - Ankarada bıik ǵımarattar Qazaqstan Respýblıkasy týynyń túsine boıaldy, dep habarlaıdy QazAqparat.

Qazaqstannyń Túrkııadaǵy Elshiligi áleýmettik jelidegi paraqshasynda Ankaradaǵy TOBB ǵımaratyndaǵy kórinisti bólisti.

«Qazaqstan Respýblıkasynyń Táýelsizdik kúnine baılanysty Túrkııanyń elordasy Ankara qalasynyń tórinde TOBB ǵımaratynda búgin kók baıraǵymyz jelbiredi» delingen habarlamada.

Sondaı-aq, BAÁ-degi QR elshiligi álemdegi eń bıik ǵımarat — «Býrdj Halıfa» memlekettik týymyzdyń túsine boıalǵanyn habarlady.