Ataqty balýandy eske alý týrnırine TMD elderinen sportshylar qatysady
ASTANA. QazAqparat - Búgin Almatyda eki dúrkin álem, Eýropa, 1980 jylǵy Olımpıada chempıony Shámil Serikovti eske alýǵa arnalǵan jasóspirimder arasyndaǵy grek-rım kúresinen týrnır bastalady, dep habarlaıdy Qazaqparat tilshisi.
Eýrazııalyq týrnırge elimizdiń ár oblysynan jáne TMD elderinen kelgen jas balýandar qatysady.
Sharanyń basty maqsaty - salaýatty ómir saltyn nasıhattaý, QR Ulttyq qurama komandasyna sportshylardy irikteý, memleketter arasyndaǵy dostyq qarym-qatynasty nyǵaıtý.
Týrnırdi Qazaqstan Respýblıkasynyń Mádenıet jáne sport mınıstrligi, Almaty qalasynyń ákimdigi, Grek-rım, erkin jáne áıelder kúresi Federatsııasy uıymdastyrady.
Esterińizge sala keteıik, Shámil Serikov (1956 j., 5 naýryz - 1989 j., 22 qarasha), qazaqstandyq grek-rım kúresiniń sheberi, 57 kg deıin salmaqta kúrespen 1970 jyldan bastap aınalysqan, 1975 jyly KSRO sport sheberiniń normatıvin oryndaǵan, 1978 jyly halyqaralyq dárejedegi KSRO sport sheberi, 1979 - KSRO eńbek sińirgen sport sheberi, 1978 jyly - KSRO chempıony, 1979 - Eýropa chempıony, 1978-1979 jj - Álem chempıony, 1980 - Olımpıada chempıony atandy.
