Ataqty ánshi Selena Gomes «Jyl áıeli» atandy
ASTANA. QazAqparat - Amerıkalyq ánshi Selena Gomes Billboard jýrnalynyń tujyrymy boıynsha «Jyl áıeli» atandy. Bul týraly seısenbi kúni basylymnyń saıtynda habarlandy.
"Selena mýzykalyq charttardyń eń joǵary jaǵynda kórinip qana qoımaı, únemi jas áıelderdi jigerlendirip júr. Biz oǵan «Jyl áıeli» ataǵyn bergenimizge qýanyshtymyz», - dep keltiredi jýrnal The Hollywood Reporter - Billboard Media basshysy Djon Amatonyń sózin.
Ótken jyly bul syılyqqa Madonna ıe bolǵan edi. Basylym atap ótkendeı, syılyqty marapattaý 30 qarashada Los-Andjeleste jyl saıyn ótkiziletin Billboard Women in Music marapattaý rásiminde usynylady.
Selena Gomes óz mansabyn 2002 jyly aktrısa retinde bastaǵan, birneshe Dısneı mýltfılmderin dybystaýǵa atsalysyp, serıaldarǵa túsken. 2009 jyly Selena Gomez óziniń the Scene tobymen birge Kiss and Tell debıýttik albomyn shyǵardy.
Foto:© EPA/JUSTIN LANE
