Ataqty ánshi Pol Makkartnı ańshylyqqa úzildi-kesildi qarsy ekenin jazdy
ASTANA. QazAqparat - Belgili mýzykant Pol Makkartnı jýyrda ótken saılaýda jeńiske jetken Brıtanııanyń konservatıvti partııasynyń ańshylyq máselesi boıynsha sheshimine qarsylyq tanytty, naqtyraq aıtqanda ol partııanyń túlkige ıt salýǵa bergen ruqsatyn synǵa aldy, dep jazady sheteldik BAQ.
«Brıtanııa halqy kóptegen máseleler boıynsha konservatıvti partııany qoldaıdy. Alaıda, ańshylyqqa ruqsat berilse, kópshiligi partııaǵa qarsy shyǵady», delingen «The Beatles» tobynyń burynǵy múshesiniń saıtynda.
Túlki, buǵy, qoıandar men qarakúzen sııaqty jabaıy ańdardy aýlaýǵa shekteý 2004 jyly engizilgen. Konservatorlar usynǵan keı shekteýden bas tartý bastamasy narazylyq týdyrdy.
