Ataqty ánshi Chelentano 10 jyldyq úzilisten keıin sahnaǵa qaıta oraldy
ASTANA. 8 qazan. QazAqparat - Italıandyq ánshi jáne akter Adrıano Chelentano sahnaǵa qaıta oraldy. Ol San-Remodaǵy estradalyq ánderdiń sońǵy festıvalindegi qatysýyn eseptemegende 10 jylǵa jýyq sahnaǵa shyqpaǵan.
Búgin "molledjato" bul únsizdikti buzyp, Veronadaǵy «Arenanyń» sahnasynda án shyrqaıdy.
Chelentano búgin jáne seısenbi kúni eki kontsert beredi. 74 jastaǵy Chelentanonyń qandaı tosyn syılar daıyndaǵany ázirge belgisiz.
«Arena» 12 myń orynǵa eseptelgen, barlyq bıletter satylyp ta ketti. Olardyń keıbireýleriniń bastapqy baǵasy nebári bir eýrony qurady. Biraq alypsatarlar bılet baǵasyn myń eýrodan asyryp jiberdi.
