Ataqty amerıkalyq ánshi Djastın Tımberleık balaly boldy
ASTANA. QazAqparat - Amerıkalyq ánshi Djastın Tımberleık uldy boldy. Bul týraly People jýrnalyna siltememen 24.kz jazady.
Djastın Tımberleık pen onyń jary Djessıka Bıl sábıleriniń esimin Saılas Rendall dep qoıypty. Dárigerlerdiń aıtýynsha, 33 jastaǵy Djessıka Bıl men sábıdiń jaǵdaıy jaqsy.
Aıta keteıik, Tımberleık 34 jasqa kelgen týǵan kúninde áke atanatyndyǵyn aıtqan edi. Djastın Tımberleık ánshi ǵana emes, akter ári prodıýser retinde de asa tanymal.
Óziniń eńbek jolyn ol 1995 jyly 'N Sync tobynan bastaǵan. 2002 jyly Justified atty alǵashqy jeke albomyn shyǵardy. Tımberleık tórt ret «Emmı» jáne toǵyz ret «Gremmı» syılyǵynyń ıegeri atanǵan.
