Ataqty aktrısa Sılvana Pampanını qaıtys boldy
ASTANA. QazAqparat - Rım qalasynda ataqty ıtalııalyq aktrısa Sılvana Pampanını 90 jasynda qaıtys boldy, dep habarlady sheteldik BAQ.
Pampanını Rımde 1925 jylǵy 25 qyrkúıekte dúnıege keldi. Ol 1946 jyly sulýlyq baıqaýynda «Italııa arýy» atanǵan.
Alǵash ret 1947 jyly «Apokalıpsıs» fılmine túsken. Pampanını «O'keı, Neron» (1952 jyl), «Prezıdentsha» (1952) jáne «Rım sulýy» (1955) kartınalarynda somdaǵan rólderimen tanymal boldy.
1960 jyldardyń ortasynda aktrısa kóbinese televıdenıede jumys atqardy. 1983 jyly biraz úzilisten keıin, kınoǵa qaıta oraldy. Onda «Taksıshi» fılmine tústi. Sońǵy on jylyn ol Monako knıazdiginde ótkizdi.
Aktrısany 8 qańtarda sońǵy saparǵa shyǵaryp salady.
