Ataqty akter Pırs Brosnan Vermont áýejaıynda pyshaqpen ustaldy
ASTANA. QazAqparat - Irlandııa týmasy tanymal amerıkalyq akter Pırs Brosnan Vermont shtatynyń áýejaıynda tekserý aımaǵynan ańshylyq báki alyp ótpekke árekettengen kezinde ustaldy.
Bul týraly shtat polıtsııasynyń ókilderi habarlady.
Olardyń málimetinshe, sýyq qarý Brosnannyń 14 jastaǵy ulymen birge ushaqqa otyrar aldyndaǵy jolaýshylardy tekserý barysynda tabylǵan. Qaýipsizdik qyzmeti qyzmetkerleriniń 62 jastaǵy akterdiń bortta tyıym salynǵan zatyn tárkileýge týra keldi. Kóp uzamaı akterdi bosatty.
Irlandııada týǵan, keıinnen amerıkalyq azamattyqty alǵan Brosnan belgili brıtandyq fılm «Agent 007-de» Djeıms Bondtyń rólin somdaǵanymen tanymal. Akter eki ret bedeldi «Altyn globýs» syılyǵyn ıelendi.
