Ataqty nemis fýtbolshysy Frants Bekkenbaýer ómirden ótti

Ataqty nemis fýtbolshysy Frants Bekkenbaýer 78 jasynda ómirden ótti, dep habarlaıdy Kazinform.

Ańyz fýtbolshynyń jaz mezgilinen densaýlyǵyna qatysty qıyndyq týyndaǵan. Aqparat quraldaryndaFrants júregine eki márte ota jaasǵany habarlandy.

Frants Bekkenbaýer 1945 jyly 11 qyrkúıekte dúnıege kelgen. Fýtbolshylyq mansabynda 1964-1983 jyldarda Germanııanyń «Bavarııa», «Gambýrg», AQSh-tyń «Nıý-Iork Kosmos» klýbtarynda dop teýip, 587 oıynda 83 márte gol soqty.

Germanııa ulttyq quramasy sapynda 1965-1977 jyldarda 103 oıynda qaqpany 14 márte dál kózdedi.

Frants Bekkenbaýer 1972, 1976 jyldarda eki márte «Altyn dop» ıegeri atandy. Sondaı-aq, Eýropa chempıondary kýbogynyń ıegeri bolsa, álem jáne Eýropa chempıony ataqtaryn jeńip aldy. Oǵan qosa 1990 jyly bapkerlik qyzmetinde taǵy bir márte álem chempıony tuǵyryna kóterildi.

Keıingi jyldarda «Bavarııa» komandasy prezıdent qyzmetin atqardy.

Eske salsaq, budan buryn tórt dúrkin álem chempıony atanǵan jalǵyz fýtbolshy Marıo Zagallo ómirden ótti.