«Ataqty, ánshi bolsyn» dep balanyń aýzyna túkirtý durys pa

ASTANA. KAZINFORM – «Oraza qabyl bolsyn!» baǵdarlamasy: dintanýshy Nurlan Baıjigituly qazaqtyń yrym-tyıymdaryn tereńnen taldady. Jyldar boıy dástúrge aınalǵan «balam ánshi bolsyn» dep aýzyna túkirtý yrymynyń orynsyz ekenin sharıǵatpen dáleldep berdi.

«Búgingi kúndegi aýzyna túkirtý, bul ınfektsııa taratý, tazalyqqa jatpaıdy. Ár adamnyń ózine tán ıisi, gıgıenasy bolady ári ol tazalyq deńgeıine qaraı órbıdi. Al, endi ony úp etken jelge aýyryp qalatyn kishkene balaǵa aparyp jaǵý, qanshalyqty durys oı, qalaı oılaısyzdar?» deı kele balany «parasatty jandardyń aldyna aparyp, batasyn alyp, sosyn mańdaıynan súıdirtip, súf degen lebin alatynyn» jetkizdi. 

Búginde qonaqtan sarqyt alý dástúriniń de ádepsizdikke aınalǵanyn synady. Qazaqtyń din men dástúrdi teń ustaǵan yrym-tyıymdardyń qasıetin joımaýǵa shaqyrdy. Babalardyń izgi nıetin, jolyn, úrdisin jaman yrymǵa aınaldyryp almaýymyz qajet degendi basa aıtty.