Atakentti jańǵyrtý jobasynyń vıdeosy jarııalandy
ALMATY. QazAqparat – «Atakent» iskerlik ortalyǵyn qaıta jańǵyrtý jobasynyń vıdeosy jarııalandy, dep habarlaıdy QazAqparat tilshisi.
Bul rolık Atakenttiń Instagram jelisindegi paraqshasynda jarııalandy.
Jobany jasaý 2018 jyly bastalǵan. Kórme pavılondaryna kelýshilerge yńǵaıly orta qalyptastyrylady.
«Joba boıynsha kórmeniń aınalasy abattandyrylady. Batys jaq turaqtan ortalyq alleıaǵa kesip ótetin jol salynady. Pavılondardyń qasbetteri zamanaýı kelbet alady. Al ishki ınjenerlik ınfraqurylym qaıta jańǵyrtýdan soń álemdik standarttarǵa saı bolmaq», - delingen jazbada.
Atakent aımaǵynda týrıstik marshrýt jasaý josparda bar. Bul baǵdarǵa eki eko elektrobýs qyzmet etetin bolady. Yńǵaıly aıaldamalar salynady.
Ol jerlerde Almatynyń kartasy ornalaspaq.
Aıta keter jaıt, Almaty ákimdigi Atakent aýmaǵyndaǵy aǵashtardy kespeıtin boldy.
«Atakent – Almatynyń ekologııanyń tazalyǵyna áser etetin bolady. Jyl saıyn saıabaq, aǵash, gúlder otyrǵyzylady. Munda saıabaq aımaǵy 30 gektardy alyp jatyr. 59 túrli 9 130 aǵash jaıqalyp tur. Munda qustar uıa salady. Qurqyltaı, sýyrlar, tıinder, kesirtkeler basqa da janýarlar barshylyq», - deıdi ortalyq ókilderi.
