Ataǵy jer jarǵan Ýseın Bolt kásibı fýtbolshy bolýdy armandaıdy
ASTANA. QazAqparat - Ataǵy jer jarǵan ıamaılyq júırik Ýseın Bolt jeńil atletıkadan ketkennen keıin kásibı fýtbolshy bolǵysy keletindigin málim etti.
Sportshy dortmýndyq «Borýssııa» komandasymen birge birneshe jattyǵý ótkizbek, dep habarlaıdy The Guardian.
«Budan ne shyǵatyndyǵyn kóremiz»,- dedi Bolt.
Sonymen qatar ol aǵylshyndyq «Manchester ıÝnaıted» klýbyna jankúıer ekendigin de atap ótip, onyń bas jattyqtyrýshysy Joze Moýrınıýmen kezdeskisi keletindigin aıtty.
«Eger men «Manchester ıÝnaıted» úshin oınaı alsam, bul armanymnyń oryndalǵany bolar edi»,-dep qosty 30 jastaǵy sportshy.
Aıta keter bolsaq, Ýseın Bolt Beıjińde (2008 jyl), Londonda (2012) jáne Rıo-de-Janeıroda (2016) jalpy alǵanda toǵyz altyn medal ıelengen bolatyn. Buǵan qosa álem chempıonattarynda 11 ret jeńimpaz atandy.
