«Ata joly» kartasy: AQSh pen Eýroodaq elderindegi qandastar qyzyǵýshylyq tanytýda

ASTANA. KAZINFORM – Qazaqstanǵa shetelden oralǵan etnıkalyq qazaqtarǵa arnalǵan «Ata joly» kartasy 2022 jyldyń sońynda qolǵa alyndy.

«Suranysqa ıe mamandyǵy bar jáne turǵan elinde bıznes-keısterdi tabysty iske asyrǵan etnıkalyq qazaqtarǵa elimizde kásibin jalǵastyrýǵa quqyq beretin «Ata joly» kartasy bar. Búginde kartany alýǵa úmitkerlerdiń sany kóbeıip keledi. «Ata joly» kartasyn alýǵa kórshiles Reseı, Mońǵolııadaǵy qandastardan bólek, AQSh pen Eýroodaq elderindegi baýyrlarymyzda qyzyǵýshylyq tanytýda», - dedi Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, búginde «Ata joly» kartasyn 44 etnıkalyq qazaq aldy. Onyń 24-i suranysqa ıe mamandyq ıeleri, al 20-sy kásipker.

Aıta keteıik, 2023 jylǵy 1 jeltoqsandaǵy jaǵdaıy boıynsha elimizge 23 myń qandas (8,3 myń adamǵa ósti) kóship keldi.

Eske sala ketsek, 2022 jyldyń qarasha aıynda qandastar úshin 10 jyldyq «Ata joly» kartasy engiziletini týraly habarlaǵan edik. 

Sondaı-aq, «Ata joly» kartasyn qalaı alýǵa bolatyny týraly túsinikteme berildi.