Ata Zańymyzdyń qabyldanǵanyna 17 jyl tolýyna oraılastyrylǵan merekelik kontsert ótedi
QR Mádenıet jáne aqparat mınıstrligi baspasóz qyzmetiniń málimetinshe, kontserttik baǵdarlama Qazaqstannyń ótkeni men qazirgi naqtylyǵyn anyqtaıtyn tarıhı jolyn kórsete otyryp, jarqyn bolashaǵyna baǵyt jasaıdy. Munda el mereıiniń asqaqtaýyn taný, el bedeliniń artýyn qoldaý ıdeıasy bar. Sonymen qatar el namysyn qorǵap júrgen elimizdiń tolaǵaılaryna degen rızashylyqty kórsetý bolyp tabylady.
Saltanatty kontsertte Qazaqstannyń eńbek sińirgen ártisi Aıgúl Úlkenbaeva, óner qaıratkerleri Maıra Muhamedqyzy, Azamat Jyltyrkózov, Talǵat Musabaev, respýblıkalyq konkýrstardyń laýreaty Nurken Áshirov, Halyqaralyq konkýrstardyń laýreattary Bıbigúl Januzaq, Aıdos Jabaǵın, Meıir Baıneshov, Ásem Sembına, Erlan Jandarbaı, sondaı-aq qazaqstandyq estradanyń jas talanttary Marjan Arapbaeva, Rýslan Ahmetov, «Juldyzdar fabrıkasy» jáne «H-faktor» jobalarynyń qatysýshylary jáne Qurmanǵazy atyndaǵy qazaq memlekettik akademııalyq halyq aspaptar orkestri, K.Baıseıitova atyndaǵy Ulttyq opera jáne balet teatrynyń sımfonııalyq orkestri men hory, B. Baıqadamov atyndaǵy hor kapellasy óner kórsetedi.
