Ata zańymyz memleketimizdiń qalyptasý strategııasyn aıqyndady - J.Ábdıev

ASTANA. QazAqparat - Osydan 19 jyl buryn qabyldanǵan Qazaqstan Respýblıkasynyń Konstıtýtsııasy memlekettiń qalyptasý strategııasyn aıqyndap berdi. Búgin elordada ótip jatqan Qazaqstan Ata zańy kúnine arnalǵan «Konstıtýtsııa - qoǵam men memleket damýynyń strategııalyq negizi» atty ǵylymı-tájirıbelik konferentsııada Astana qalalyq qylmystyq ister jónindegi appelıatsııalyq sot alqasynyń tóraǵasy Jazbek Ábıev osylaı dedi.

«Konstıtýtsııa bizdiń negizgi zańymyz. Ol bizdiń táýelsizdigimizdiń eleń-alańynda memleketimizdiń qyzmetiniń qalyptasýynyń strategııasy men jolyn ǵana aıqyndap qoımaı, onyń odan ary damýyn da belgilep berdi», - dedi ol.

Sonymen qatar sot alqasynyń tóraǵasy elimizdiń negizgi zańynyń quqyqtyq erejelerin turaqty túrde zerdelep otyrý qajettigin basa aıtty.

«Bizdiń Parlament qabyldaıtyn barlyq zańdar aldyn ala Konstıtýtsııaǵa sáıkestigine qatysty eksperttik zertteýden ótetindigi sózsiz. Degenmen, negizgi zańnyń normalarynda kórinis tapqan quqyqtyq erejeniń tereń máni, ǵylymı ári tájirıbelik áleýeti turaqty túrde zerdelep otyrýdy talap etedi»,- dedi J.Ábdıev.

Aıta keteıik, konferentsııa jumysyna depýtattar, elordanyń ǵylymı jáne shyǵarmashylyq zııaly qaýymy, sot júıesiniń, úkimettik emes uıymdar men memlekettik mekemelerdiń ókilderi qatysýda.