Ata zańymyz Qazaqstan halqynyń birligin aıǵaqtaıtyn, úkili úmitteriniń júzege asýyna jol ashatyn basty qujatqa aınaldy - A.Musahanov
«Ata zańymyz Qazaqstan halqynyń birligin aıǵaqtaıtyn, onyń erkindiginiń, maqsattary men umtylystarynyń, úkili úmitteriniń júzege asýyna jol ashatyn basty qujatqa aınaldy. Sondyqtan da «Elimizdi, tarıhymyzdy qurmettegendeı Ata Zańǵa da qurmetpen uqypty qaraý bizdiń búgingi paryzymyz», - dep Elbasy Nursultan Ábishuly Nazarbaev atap ótkendeı, Konstıtýtsııany árqaısymyz ardaq tutamyz», - dedi ákim.
Óńir basshysynyń atap ótýinshe, barsha qazaqstandyqtar sekildi Jetisý óńiriniń turǵyndary da Konstıtýtsııada belgilengen quqyqtary men mindetterin saqtaı otyryp, Ata Zańǵa sáıkes ǵumyr keshýde. Sol sebepti de táýelsiz elimizdiń tarıhynda Konstıtýtsııanyń 18 jyldyǵy jarqyn, ári aıryqsha mazmundylyǵymen este qalýy tıis.
«Osy merekeli kúni barlyq oblys turǵyndaryna shyn júrekten ashyq aspan, zor densaýlyq, mol baqyt jáne Qazaqstannyń gúldenýi jolyndaǵy barlyq isterińiz ben bastamalaryńyzǵa sáttilik tileımin!», - dedi oblys ákimi.
Búgin Taldyqorǵannyń ortalyq alańynda teatrlandyrylǵan qoıylym kórsetilip, Súıinbaı atyndaǵy oblystyq fılarmonııa ártisteri daıyndaǵan kontsert bolady.