Ata zańymyz - halyqtyń júreginen shyǵyp, zaman synyna tótep bere alatyn temirqazyǵymyz
«Táýelsizdigimizdiń tarıhynda, Maǵjan Jumabaev aıtqandaı, elimizdiń tolǵamaly tarıhynda neshe túrli oqıǵalar ótti. Qıyn kezeńder boldy. Elbasymyz aıtqandaı, Táýelsizdigimizdy synǵa alǵan kezeńder boldy. Sol syndarly jyldardan bizdiń Ata zańymyz elimizdiń birligine, jaýapkershiligine qyzmet etip, aman-esen alyp ótti», - dedi sharaǵa qatysqan L.Gýmılev atyndaǵy Eýrazııa ulttyq ýnıversıtetiniń prorektory Dıhan Qamzabekuly.
Onyń atap ótýinshe, qazaqta eldigimizdi anyqtaıtyn Qasym hannyń qasqa joly, Esim hannyń eski joly, áz Táýkeniń Jeti jarǵysy, Alashtyń joly sekildi qadaý-qadaý súbeli dúnıeler bolǵan. Al munyń barlyǵynan bizdiń tarıhymyzdyń sabaqtastyqta ekendigin, eldikti altyn arqaý etkendigin baıqaý qıyn emes.
«Elbasymyz Konstıtýtsııaǵa baılanysty «Halqymyzdyń júreginen shyqqan, zaman synyna tabysty tótep beretin bizdiń temirqazyǵymyz», dep naqty, anyq aıtqan bolatyn. Bul sózge alyp-qosar esh nárse joq dep esepteımiz. Óıtkeni temirqazyq degenimiz - halyqty qıyndyqtan alyp ótetin úlken bir dúnıe», - dedi D.Qamzabekuly.