Ata Zańymyz birligi jarasqan respýblıka azamattarynyń teń quqyqtarynyń kepili - QR Mádenıet jáne sport mınıstri

ASTANA. QazAqparat - QR Mádenıet jáne sport mınıstri Arystanbek Muhamedıuly qazaqstandyqtardy Konstıtýtsııa kúnimen quttyqtady. Bul týraly QR Mádenıet jáne sport mınıstrliginiń resmı saıtynda habarlanǵan.

«Qurmetti otandastar! Sizderdi memleketimizdiń, halqymyzdyń eń ulyq merekeleriniń biri Konstıtýttsııa kúnimen shyn júrekten quttyqtaımyn! Bul kúni biz birligi men yntymaǵy jarasqan memleketimizdiń azamattyq quqyq salasyndaǵy jetken jetistikterin baǵamdap, elimizdiń bolashaǵy jaıly oılanamyz.

Barshamyzdyń maqsatymyz árbir azamaty eldik pen egemendiktiń, irgesi berik memlekettiliktiń temirqazyǵyn nyǵaıtý jolynda zor jaýapkershilik kótere alatyn rýhy kúshti, qýatty memleket qurý. Elbasymyzdyń sarabdal saıasatynyń arqasynda 1995 jyly qabyldanǵan respýblıkamyzdyń tuǵyrly qaǵıdattary búginde tıimdiligin, óz ómirsheńdigin dáleldep otyr. Búkiladamzattyq qundylyqtar qamtylǵan Ata Zańymyz Qazaqstan jolynyń altyn qazyǵy, birligi men dostyǵy jarasqan respýblıka azamattarynyń teń múmkindikteri men quqyqtarynyń kepili, eldigimizdiń buljymas baǵdary. Ortaq maqsatymyz jalpyulttyq birlik pen turaqtylyqty nyǵaıtý, azamattyq jaýapkershilikti arttyrý, qoǵamda turaqtylyq pen kelisim negizin saqtaý», delingen quttyqtaýda. «Búkil jarqyn isterimizdiń qaınar bastaýyna aınalǵan Konstıýttsııa kúni táýelsizdigimiz ben tutastyǵymyzdy, tynyshtyǵymyz ben beıbit tirligimizdi kózdiń qarashaǵyndaı saqtaýǵa shaqyra otyryp, zor densaýlyq, otbasylaryńyzǵa bereke, otanymyzdyń damýy men gúldenýi jolyndaǵy qajyrly eńbekterińizge jemis tileımin!», - deıdi QR Mádenıet jáne sport mınıstri A.Muhamedıuly.