Ata zańymyzda alǵash ret ǵylym jáne ınnovatsııa qundylyqtary naqty baǵdar retinde belgilendi
ASTANA. KAZINFORM — Memleket basshysy Qasym-Jomart Toqaev ǵalymdardy marapattaý rásiminde Ata zańymyzdyń preambýlasynda alǵash ret mádenıet, bilim berý, ǵylym jáne ınnovatsııa qundylyqtary naqty baǵdar retinde belgilengenin aıtty. Bul týraly Aqorda málim etti.
— Ózderińizge málim, Qazaqstanda 15 naýryz kúni tarıhı máni zor referendým ótti. Azamattardyń basym bóliginiń qoldaýymen memleketimizdiń irgesin nyǵaıtatyn, eldi barlyq salada, sonyń ishinde ǵylymda ornyqty damý traektorııasyna shyǵaratyn jańa Konstıtýtsııa qabyldandy. Ata zańymyzdyń preambýlasynda alǵash ret mádenıet, bilim berý, ǵylym jáne ınnovatsııa qundylyqtary naqty baǵdar retinde belgilendi. ıAǵnı atalǵan salalardy jan-jaqty qoldaýǵa strategııalyq mańyz berildi. Eń bastysy, bul baǵyttardy damytý memlekettiń konstıtýtsııalyq mindetine aınaldy. Oraıly sátti paıdalana otyryp, Konstıtýtsııany ázirleýge jáne qabyldaýǵa aıtarlyqtaı úles qosqan barsha ǵylymı-akademııalyq qaýymdastyqqa rızashylyǵymdy bildiremin. Ótpeli erejelerge saı, jańa Ata zań 2026 jyldyń 1 shildesinen bastap kúshine enedi. Sol ýaqytqa deıin negizgi zańdardyń barlyǵy Konstıtýtsııa normalaryna sáıkestendirilýge tıis. Bul baǵytta Parlament aýqymdy zań shyǵarý jumysyna kiristi. Depýtattar zań jobalaryn muqııat ári jedel qarastyrady dep senemin, — dedi Memleket basshysy.
Eske sala keteıik, osy jıynda Prezıdent «ozyq memlekettiń qazyǵy — ǵylym, al qazynasy — ǵalym» ekenin aıtty.
Toqaev ǵylymǵa kórsetilip jatqan júıeli qoldaý sharalaryna toqtaldy.
