Ata zańǵa ózgertýler engizbeı, aýqymdy ózgeristerdi tıimdi júzege asyrý múmkin emes – Prezıdent
«Ózderińiz bilesizder, bir aıdan astam ýaqyt buryn Joldaýda saıası reformalardyń aýqymdy baǵdarlamasyn usynǵan bolatynmyn. Ol qoǵamda belsendi túrde talqylanyp, sarapshylar tarapynan, onyń ishinde AMANAT partııasynyń alańynda jan-jaqty saraptaldy. Tolyqtaı alǵanda, baǵdarlama jyldar boıy qordalanyp qalǵan áleýmettik suranystarǵa laıyqty jaýap retinde azamattar arasynda keńinen qoldaýǵa ıe boldy», - dedi Prezıdent.
Memleket basshysy óziniń tapsyrmasymen Konstıtýtsııaǵa túzetýler jobasyn daıyndaý jumysy kidirissiz bastalǵanyn atap ótti.
«Ata zańǵa ózgertýler engizbeı, belgilengen aýqymdy ózgeristerdi tıimdi júzege asyrý múmkin emestigi túsinikti. Konstıtýtsııalyq reformanyń maqsaty - eldi munan ary saıası reformalaýǵa myǵym irgetas qalaý. Ótken aptada túzetýler jobasy Konstıtýtsııalyq keńeske joldandy», - dedi Qasym-Jomart Toqaev.
