Ata Zańǵa bılik ýákilettiligi týraly ózgerister engiziler bolsa, onyń sany emes, mazmunyna mán berý kerek - I.Rogov
«Eger de Prezıdent aıtqan málimdemelerge muqııat zer salatyn bolsańyzdar, Memleket basshysynyń aıtqan bir usynysy - bıliktegi belgili ber deńgeıdegi basqarý ýákilettiligin Parlament, Úkimet arasynda qaıta qaraý týraly boldy. Al, bul, árıne, óz kezeginde Konstıtýtsııaǵa belgili bir ózgerister engizýdi talap etedi. Biraq, Konstıtýtsııa kepil etetin turaqtylyq, zańdylyq týraly aıtqanda, Ata Zańymyzdyń mátinine engiziletin ózgeristerdiń sanyna emes, ol ózgeristerdiń maǵynasyna nazar aýdarý kerek. Jalpy, ol ózgerister tek bılik qurylymdary aýyssa ǵana, Konstıtýtsııa men zańdylyqtyń oryndalýyn qamtamasyz etetin tıimdi tetikter qurý qajettiligi týyndasa ǵana engizilýi múmkin», - degen Konstıtýtsııalyq keńestiń tóraǵasy jalpy ózgerister bola ma, joq pa, ol áli belgisiz ekenin alǵa tartty.
«Parlamenttiń jańa sessııasy ashylsyn, Memleket basshysy qandaı da bir jıyndarda óz oıyn taǵy aıtsyn, sodan keıin ǵana biz Qazaqstannyń quqyqtyq salasynda qandaı ózgeris bolatynyn bile alamyz», - dep túıindedi sózin I.Rogov.