Ata Zań kúnine oraı Astanada álemniń 19 elinen kelgen qonaqtardyń qatysýymen konferentsııa ótedi

ASTANA. 26 tamyz. QazAqparat - Aǵymdaǵy aptada elimizdiń Ata Zańy kúni keńinen atalyp ótedi. Bul týraly búgin Astanadaǵy dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«29-30 tamyzda Qazaqstan Respýblıkasynyń Konstıtýtsııasy kúnine oraı Astanada BUU, Eýropa Keńesi, EO, EQYU ókilderiniń jáne álemniń 19 memleketinen kelgen qonaqtardyń qatysýymen «Konstıtýtsııa memleket pen qoǵam damýynyń negizgi strategııasy» atty ǵylymı-tájirıbelik konferentsııa ótedi», - dedi resmı ókil.