Ata zań qoǵamdyq ómirdiń barlyq tetikterin úılestirip otyr - A. Balaeva

amyzdyń 20-sy. QazAqparat /Qanat Mámetqazyuly/ - Ata zań qoǵamdyq ómirdiń barlyq tetikterin úılestirip otyr. Búgin «Qazaqstan Respýblıkasynyń Konstıtýtsııasyna 15 jyl: zańnamanyń ilgeri jetildirý» atty taqyrypta respýblıkalyq ǵylymı-tájirıbelik konferentsııasy barysynda Astana qalasy ákiminiń orynbasary Aıda Balaeva osylaı málim etti.

«Qazaqstan Konstıtýtsııasy halyqty qorǵaýdyń kepili bola otyryp, el damýyn demokratııalyq jolmen bastap keledi. Memleketimiz adam ómiri men erkindigi, quqyǵy men bostandyǵyn eń joǵary orynǵa qoıatyny belgili. Jalpy turǵydan alatyn bolsaq, Ata zańymyzdyń 98-shi babynyń 30-y adam quqyǵy men bostandyǵyn qorǵaýǵa arnalǵan. Sonymen birge, bizdiń Ata zańymyz qoǵamdyq ómirdiń barlyq tetikterin úılestirip otyr. Qazaqstan aýmaǵynda azamattyq qoǵam qurý týraly erkin ıdeıalar bekitildi. Al eń basty jetistigimiz elimizde demokratııanyń shynaıy irgetasy qalanyp keledi», - dedi A. Balaeva.

Onyń aıtýynsha, Konstıtýtsııaǵa engizilgen sońǵy ózgerister saıası partııalar men azamattyq qoǵam ınstıtýttarynyń rólin arttyrýǵa jol ashty. Bul baǵytta elimizdegi azamattyq qoǵam ınstıtýttary teń erkindik, birdeı múmkindik alyp jumystaryn júrgizip keledi.

«Astana qalasy boıynsha búgingi kúni 300-den astam úkimettik emes uıymdar, 10 saıası partııalar fılıaldary, 243 BAQ, 55 jastar uıymy, 63 dinı birlestikter, 26 etnomádenıet ortalyǵy qyzmet jasaýda. Zań aldynda olardyń múmkindikteri de birdeı qamtylǵan», dedi A. Balaeva.