Ata kásipti jalǵastyryp, qazaqtyń jerin malǵa toltyrý kerek - respýblıkalyq basylymdarǵa sholý
***
«Egemen Qazaqstan» basylymy búgingi sanynda «Syr - alashtyń anasy» atty maqala jarııalady. Maqalaǵa Memleket basshysynyń Qyzylorda óńirine jasaǵan saparynda kóterilgen máseleler arqaý bolǵan. Memleket basshysy óńirdi aralap, qyzylordalyqtardyń jetistikterimen tanysa kele: «Bıyl Táýelsizdiktiń jıyrma jyldyǵy. Osy jıyrma jyldyń ishinde júzdegen jyldar boıyna jasalmaǵan ister jasaldy. Memleketti qurdyq, nyǵaıttyq. Onyń ishinde bilim salasyna da aıryqsha kóńil bólip otyrmyz. Osy bir ǵana Qyzylorda oblysynyń ózinde júzdegen mektep iske qosyldy. Aýrýhanalar salynyp jatyr. Ata-analardyń jaǵdaıy túzeldi. Jalaqylary artyp, zeınetaqylary kóbeıdi. Qyzylorda arqyly úlken avtokólik dálizi ótip jatyr. Temirjoly symdaı tartylyp tur. Gaz qubyry salyný ústinde. Bir kezderi aýyzsý tapshylyǵy bolatyn. Sý úıdiń 3-shi qabatynan joǵary kóterilmeıtin. Elektr jaryǵynyń tapshylyǵy boldy. Búginde munyń bári qalypqa keldi. Aýyl, aýdannyń barlyǵy damýdyń dańǵyl jolyna tústi. Qalanyń da kórki kirdi», deıdi Elbasy.
Sondaı-aq basylymnyń jazýynsha, osy kúnderi Tájikstan astanasy álemdik saıasatshylardyń aýzynan túspeýde. Óıtkeni, munda mańyzy zor saıası sharalar ótýde. Sonyń eń bastysy - alda bolatyn Táýelsiz Memleketter Dostastyǵynyń 20 jyldyǵyna arnalǵan mereıtoılyq sammıt. Oǵan Qazaqstan Prezıdenti Nursultan Nazarbaev ta qatysady dep kútilýde. «Sammıt jumysy búgin, ıaǵnı senbi kúni bastalatyndyqtan, áýeli usynylǵan joba boıynsha onyń kún tártibinde 11 másele qaralatynyn aıta keteıik. Sonyń ishinde TMD-ǵa qatysýshy memleketter basshylarynyń uıymnyń 20 jyldyǵyna arnalǵan málimdemeleri, 20 jylǵy is-áreketterdiń qorytyndylary jáne perspektıvadaǵy mindetteri týraly saraptamalyq baıandamalar tyńdalady», delingen maqalada.
***
«Alash aınasy» basylymynyń búgingi sanynda «Ǵımarattardy qalaı qazaqylandyramyz» atty maqala basyp, jaqsy problema kótergen. Basylymnyń jazýynsha, qazir Astana men Almatyda qurylys qarqyny basyla qoıǵan joq. Alaıda qos qalada salynyp jatqan záýlim saraılardyń 90 paıyzynda qazaqstandyq sáýletshilerdiń qoltańbasy joq, barlyǵy sheteldik sáýletkerlerdiń jobasymen salynyp jatqandyǵy jasyryn emes. Elimizdiń keıbir sáýletshileri respýblıkamyzdyń betke ustar qos qalasynyń kelbetine, sáýlettik ásemdigine alańdaýshylyǵyn bildirip otyr. Olar sońǵy jyldary qarqyndy júrgen qurylystardyń eshqaısysynda ulttyq boıaý joqtyǵyn, ǵımarat salarda tarıhı qundylyqtarymyzǵa nazar aýdarylmaı otyrǵandyǵyn aıtýda.
Sondaı-aq osy basylymnyń búgingi sanynda qazaqtyń tuńǵysh Olımpıada chempıony, Jaqsylyq Úshkempirovpen bolǵan suhbat jarııalanypty. Áıgili sportshy, búginde myqty kásipker bylaı deıdi: «Myna qazaqtyń saıyn dalasyn malǵa toltyrýymyz kerek. Sonda yrys ta, bereke de bolady. Atam qazaq «bilektiń kúshimen, naızanyń ushymen» qorǵap, bizge qaldyryp ketken muramyz - bul. Eger qazaq kezinde ketpen arqalaǵan otyryqshy halyq bolsa, sýdyń boıyn jaǵalap, az ǵana jerdi qorshap alyp, soǵan saýymyn aıtyp, toptalyp otyra berer edi. Bile- bilseń qazaqtyń maly osy dalaǵa syımaı jatqan. Neshe myńdaǵan jylqy aıdatqan baılar ótken, qoıdyń sanyna jetpegen. Sondyqtan da atalarymyzǵa osyndaı ulan-ǵaıyr dala kerek boldy. Biz búgin «jer kólemi jóninen álemde toǵyzynshy oryndamyz» dep maqtansaq, bul - sol babalarymyzdyń eńbegi». Aty ańyzǵa aınalǵan sportshynyń osyndaı tushymdy oılary «Alash aınasy» basylymynyń búgingi sanynda jarııalanǵan «Ata kásipti jalǵastyryp, qazaqtyń jerin malǵa toltyrý kerek» degen taqyryppen jarııalanǵan suhbattan tanysýǵa bolady.
***
«Kazahstanskaıa pravda» basylymynyń búgingi sanynda «Investıtsııalyq klımat tartymdy» atty maqala jarııalandy. Oǵan Almatyda ótken 6-shy Salyq konferentsııasynda kóterilgen máseleler sóz bolǵan. Basylymnyń jazýynsha, Qazaqstan búginde salyq jáne keden júıesin belsendi túrde jetildirip, olardy barynsha halyqaralyq standarttarǵa negizdeýde. Qarjy mınıstri Bolat Jámishevtiń aıtýynsha, Búkilálemdik bank Qazaqstandy ınvestıtsııalyq ahýaly tartymdy 20 eldiń qataryna engizipti. Sondaı-aq biz TMD memleketteriniń qatarynda ınvestıtsııa tartý jaǵynan jaqsy reıtıngtik kórsetkishke jetken alǵashqy elmiz. Jaǵdaıdyń bulaısha qalyptasýyna eldegi saıası turaqtylyq pen naryqtyq qatynastardyń damýyna jaǵdaı týdyrý, quqyqtyq bazany udaıy jetildirip otyrý sııaqty jáıttar zor áserin tıgizip otyr. Konferentsııada kóterilgen osy jáne ózge de máseleler jóninde «Kazahstanskaıa pravda» basylymynyń búgingi sanynda aıtylǵan.
