Ata-babamyzdyń murasyna arnalǵan kórme ótedi
ASTANA. 9 sáýir. QazAqparat - QR Bilim jáne ǵylym mınıstrliginiń Respýblıkalyq qosymsha bilim berý oqý-ádistemelik ortalyǵy 2013 jylǵy 16-17 sáýirde Astana qalasynda «Ata-babamyzdyń murasyn saqtaımyz jáne damytamyz» atty kórkemóner jáne halyqtyq qoldanbaly shyǵarmashylyq boıynsha respýblıkalyq kórme ótkizedi.
«Kórme bilim alýshylardyń kórkem mádenıetke jáne tarıhı muraǵa degen súıispenshiligin arttyrý, zamanaýı sándik-qoldanbaly ónerde halyqtyq dástúrdi saqtaý jáne damytý boıynsha balalar men jastardyń shyǵarmashylyq múmkindigin aıqyndaý maqsatynda uıymdastyrylady», - dep habarlaıdy atalǵan vedomstvonyń baspasóz qyzmeti.
Kórme balalardy elimizde turatyn basqa ult ókilderiniń tarıhyna, ulttyq mádenıetine, salt-dástúrine qurmetpen qaraýǵa tárbıeleýge, shyǵarmashylyq turǵyda jumys isteıtin pedagogtarǵa aqparattyq qoldaý kórsetýge, ujymdardyń arasynda shyǵarmashylyq baılanysty keńeıtýge, aımaqtarda sándik-qoldanbaly óner salasynda balalarmen júrgiziletin jumystardy jetildirý úshin qosymsha bilim berý uıymdary pedagogtarynyń arasynda tájirıbe almasýǵa múmkindik týǵyzady.
Kórmege respýblıkamyzdyń barlyq óńirlerinen, túrli janr, tehnıka jáne materıaldarda oryndaǵan jumystary qalalyq, oblystyq kórmelerde júldeli orynǵa ıe bolǵan, 9-17 jas aralyǵyndaǵy qosymsha bilim berý uıymdarynyń bilim alýshylary qatysady. Kórmege barlyǵy 100-den asa balalar men pedagogtar qatysady dep josparlanýda.
Kórme Astana qalasyndaǵy M.Ótemisuly atyndaǵy Oqýshylar saraıynyń bazasynda ótedi. Ony ótkizý barysynda bilim alýshylar men pedagogter úshin sheberlik-synyptar ótkiziledi. 2013 jyly 17 sáýir kúni ótetin kórmeniń jabylý saltanatynda jeńimpazdar dıplomdarmen, baǵaly syılyqtarmen marapattalady.
