Ata-ájeniń baýyrynda ósken bala baýyrmal bolady - «Egemen Qazaqstan» gazeti
ASTANA. QazAqparat - «QazAqparat» HAA oqyrmandar nazaryna «Egemen Qazaqstan» gazetiniń 12 qańtardaǵy sanyna sholýdy usynady.
Búgingi «Egemen Qazaqstan» gazeti jýrnalıst Jylqybaı Jaǵyparulynyń «Astanany asqaqtatqan 20 jyl» atty maqalasymen ashylypty. Elbasy bıylǵy Joldaýynda Astananyń 20 jyldyǵyn aıryqsha atap ótý kerektigin de tilge tıek etken bolatyn. Maqala avtory 20-aq jylda alashtyń álem kóz tikken aıbyndy astanasyna aınalý jolyn kesteli tilmen tógilte baıandaıdy.
Arnaıy baǵannan Saırash Ábishqyzynyń «Jas býynǵa - jańa bilim» maqalasy men Anar Tóleýhanqyzynyń «Jańsaq oıdyń jeteginde...» atty maqalasy jaryq kórdi. Aldyńǵy maqala Keńes úkimeti kezindegi oqý júıesi men qazirgi oqý júıesindegi aıyrmashylyqtar jaıynda bolsa, sońǵy maqala ata-ájeniń baýyrynda ósken balanyń baýyrmal bolatyndyǵyn, alaıda qazirgi keıbir kózqarastyń ony múlde túsinbeı, basqasha kózqaras ustanatyny jaıynda naqty mysaldarmen tereńdete tolǵaıdy.
Gazettiń «saıasat» betinde Parlament Senatynyń tóraǵasy Qasym-Jomart Toqaevtyń Elbasy joldaýyna baılanysty «Jańǵyrýdyń aıqyn baǵdarlamasy», Konstıtýtsııalyq Keńestiń tóraǵasy Qaırat Mámınniń «Damýdyń údemeliligin qamtamasyz etetin Joldaý» atty maqalalary jaryq kórdi.
Sondaı-aq, «Kelbet» aıdarynda jarııalanǵan Baqytbek Smaǵuldyń Aýǵan soǵysynyń dańqty batyry Borıs Tókenuly jaıyndaǵy kóptegen tarıhı jaılarǵa toly qyzyqty, taǵylymdy maqalasy kóp kóńilinen shyǵatyndaı. Rýhanııat betinen jazýshy Shárbaný Beısenovanyń «Kıim syrtynan emes, ishinen tozady» atty ónegesi mol ózgeshe syr-suhbaty berilgen. Suhbat alýshy synshy Baǵashar Tursynbaıuyly. Sonymen birge Ularbek Nurǵalymulynyń «sóz tórkini» aıdarymen án mátinin taldaǵan «At qaıda Aqbaqaıdaı...» atty maqalsy oqyrmandy beı-jaı qaldyrmasy anyq.
Sonymen birge gazetten Aıgúl Ahanbaıdyń «Bilimsiz jigit otbasyna tirek bola ala ma?» atty maqalasyn, «bir sýrettiń syry» aıdarymen berilgen Aınash Esalıdyń «Ilınniń anasy nege jylady?» atty maqalasy qyzyqty hám jyly oqylady.
